За безплатни учебнїки ше приявели 149 358-еро школяре

автор бета/сен
1.1k Опатрене

БЕОҐРАД – По податкох Министерства просвити, науки и технолоґийного розвою, за безплатни учебнїки ше приявели 149 358-еро школяре. У одношеню на класу и ґрупу, школяром з чувствительних дружтвених ґрупох учебнїки у цалосци буду финансовани, лєбо софинансовани.

У школским 2015/16. року школяром од першей по штварту класу котри спадаю до першей ґрупи буду обезпечени 4 000 динари, цо полна цена комплету учебнїкох. Друга ґрупа истих класох достанє 2 000 динари, односно половку цени комплету.

Школяре пиятей и шестей класи хтори у першей ґрупи достаню 6 000 динари, а у другей 3 000 динари. Перша ґрупа школярох седмих и осмих класох достанє 8 000 динари, а друга 4 000 динари, сообщене з Министерства.

Вецей информациї о безплатних учебнїкох мож видзиц на веб-сайту Министерства просвити.

 

ПОВЯЗАНИ ТЕКСТИ