НОВИ САД – На своєй остатнєй схадзки у прешлим року Покраїнска влада дала согласносц на програми дїлованя двох покраїнских явних подприємствох у 2015. року – ЯВП „Води Войводини” и ЯП „Войводиналєси”.
У тим року плановане уложиц векши средства за отримованє системох за одводньованє, ушорйованє беґельских мрежох, та за отримованє и змоцньованє гацох.
Явне подприємство „Войводиналєси” лєси обнови на 1 861 гектаре, а там дзе страдали пре хвилю, ознова посадзи древка на 225 гектарох. Попри садзеня древкох, будзе ше робиц и на защити лєсох.
На остатнєй схадзки у 2014. року Покраїнска влада за директора Управи за капитални укладаня АП Войводини, дакедишнього Фонду за капитални укладаня, поставела Небойшу Маленковича, котри дотераз бул на чолє спомнутого фонду.