ДЮРДЬОВ – Понеже у Дюрдьове анї того року нє формоване руске оддзелєнє першей класи, руски руски язик ше виучує як виборни предмет, так же концом прешлого тижня у ОШ „Йован Йованович Змай” почали преподаваня руского як виборного предмету.
На руски язик як виборни предмет приявели ше 22-ойо першокласнїки, а преподава им наставнїца Мария Самарджич.
Попри у першей, руски язик як виборни предмет у дюрдьовескей Школи виучую и 15-еро школяре другей и трецей класи у єдней ґрупи, док од трецей по осму класу робя порядни руски оддзелєня, у торих єст вєдно 39 школярох.
Прешлого тижня у дюрдьовскей Школи почали и годзини грекокатолїцкей виронауки, тиж як виборного предмету. У першей класи на нашу виронауку ходза штверо, а од другей по седму класу штерацец двойо школяре. Виронауку преподава нови наставнїк – Данил Задрепко з Дюрдьова