За спортистох рока преглашени Деян Павлович и Сара Планчак

автор зам
1k Опатрене

РУСКИ КЕРЕСТУР – За найлєпшого спортисту Спортского дружтва (СД) „Русин” у 2015. року преглашени фодбалер Деян Павлович, а за найлєпшого младого спортисту каратистка Сара Планчак. Погари найлєпшим уручел предсидатель СД Драґан Ковачевич на Скупштини Дружтва отриманей внєдзелю, 31. януара, у просторийох „Русину”.

На Рочней скупштини СД „Русин” присуствовали представителє пейцох з дзевец „Русинових” клубох хтори поднєсли звити о роботи у прешлим року, цо значи же оправдали средства и знова годни конкуровац на конкурси з буджету Општини Кула за активносци у спорту.

На Скупштини уручени и припознаня найлєпшим спортистом котри преглашени у клубох, та попри горе спомнутих, у Рукометним клубу за найлєпшого преглашени Владо Боянович при сениорох, а Филип Тома при юниорох. За найлєпшу рукометашку преглашена Сабина Планчак, а за найлєпшу столнотенисерку София Ковач.

На Рочней скупштини СД Русин внєдзелю присуствовали и предсидатель Совиту Месней заєднїци Владимир Олеяр, та члени Совиту Тихомир Фейди и Дюра Планчак.

ПОВЯЗАНИ ТЕКСТИ