ШИД – У Ямени, валалу у општини Шид, вчера означена 79. рочнїца як 8. септембра 1942. року вецей як 400 жителє валалу зарабровани и транспортовани до лаґру у Ясеновцу.
Святу архиєрейску литурґию служел епископ сримски Сербскей православней церкви пан Василиє у церкви Святого Георгия, а присуствовал и предсидатель Општини Шид Зоран Семенович.
Потим предсидатель Скупштини општини Тихомир Стаменкович и членїца Општинскей ради Катарина Митрович у мено локалней самоуправи положели венєц на памятнїк жертвом, як и представнїки локалного и републичного здруженя борцох и Подручней школи „Филип Вишнїч“.
При памятнїку служена панахида, а школяре школи у Ямени виведли и пригодни рецитал.