РУСКИ КЕРЕСТУР – На вчерайшим змаганю членох Здруженя спортских рибарох „Коляк” з Руского Керестура у лапаню риби на дуґов участвовали 26 рибаре, медзи нїма и штверо пионире, а змаганє отримане на беґелю Дунай-Тиса-Дунай.
У конкуренциї старших перше место освоєл Златимир Рамач, з 2,350 кґ влапеней риби, друге место освоєл Янко Фекете з уловом 1,765 кґ, а треце Мирко Фекете з 1,180 кґ риби.
У конкренциї пионирох перше место освоєла Єлена Фейди зоз 0,465 кґ влапеней риби, друге Давид Надь зоз 0,150 кг, а треце Борис Кочиш, котри влапел 0,110 кґ риби.
Награди шветочно подзелєни у лєтнїковцу Здруженя на базену, дзе старши змагателє достали медалї и дипломи, младши опрему за лапанє риби, а з тей нагоди дзепоєдним заслужним членом Здруженя подзелєни маїци.
