НОВИ САД – У Основней школи „Петефи Шандор” у Новим Садзе вчера отримана програма „Доприношенє розличних културох розвою мойого места”, у хторей школяре перших, пиятих, шестих и седмих класох представели обичаї и кухню, институциї и значни особи народох хтори жию у Новим Садзе. З програму були облапени сербска, руска, єврейска, словацка, нємецка и мадярска заєднїца.
Найвекшу увагу прицагли школяре першей-3 класи, хтори пооблєкани до руского народного облєчива танцовали и шпивали по руски. Учителька Анамария Миличевич ше потрудзела же би дзеци дознали як випатраю обичаї и облєчиво при Руснацох, научела их и и даскельо слова по руски, а у пририхтованю им помагала новинарка Славица Фейса.
Старши класи на слайдох представели визначних Новосадянох котри допринєсли розвою рускей, єврейскей, нємецкей, словацкей и сербскей заєднїци.
Окрем учительки Миличевичовей, програму пририхтали и наставнїци Татяна Любинкович, Катица Арсениєвич и психолоґ у спомнутей школи Татяна Драґин.
