Интеркултуралносц мост медзи людзми

автор мгк
841 Опатрене

НОВИМ САД – У Новим Садзе вчере отримана Медзинародна конференция „Интеркултуралносц у образованю”, хтору орґанизовал Педаґоґийни завод Войводини, а медзи учашнїками зоз Сербиї и Мадярскей були и проф. др Михайло Фейса и предсидателька Одбору за образованє Националного совиту Руснацох Мелания Римар.

На отвераню предсидателька Орґанизацийного одбору Ленка Ердель гварела же сход нагода за представянє мултикултуралносци – од дзецинскей заградки по факултет, як и литературу, язик и прекладанє.

Професор др Фейса з Одсека за Русинистику на Филозофским Факултету у Новим Садзе представел тему о интеркултуралносци и прекладательстве, констатуюци же у вязи з креированьом интеркултуралних наставних програмох и звонканаставних акривносцох, нєобходне розвивац и медзипрекладательство.

Як прекладатель „Алиси у жеми чудох”, вон думаня же прекладательство представя мост медзи културами прейґ хторого ше вони приблїжую и упознаваю. З тей нагоди илустровани и трансфер датого анґлийского културного контексту на руски.

ПОВЯЗАНИ ТЕКСТИ