СЕРБИЯ – Юнийска инфлация була 0,5 одсто, а спричинєло ю сезонске подрагшенє швижей овоци, туристичних аранжманох, та висши цени нафтних дериватох, сообщела Народна банка Сербиї (НБС).
Медзирочна инфлация у юнию досцигла 1,9 одсто, а по конєц рока ше обчекує єй врацанє до гранїцох нормалного одступаня од цилю.
Тому допринєшу мири монетарней политики и наявени корекциї реґулованих ценох, насампредз електричней енерґиї, вичерпйованє ефектох паду ценох примарних продуктох, та нїзка база з конца прешлого року, кеди потуньшели циґаретли и нафтни деривати, а хтори прешлого тижня подрагшели.