Друга шветова война прервала вецейрочну и вичерпююцу полемику и зраженє медзи РНПД и КПСЮР (КНСЮР). Обидва нашо орґанизациї уж у априлу 1941. року престали зоз дїялносцу.
Но, тих рокох, у воєних обставинох, глєдало ше и други форми орґанизованя же би ше голєм кельотельо културна дїялносц при Руснацох предлужела. Ришенє найдзене у „учленьованю“ нашого РНПД-а до Общества грекокатолїцкей младежи (ОГМ), у нас баржей познатей под мадярску назву КАЛОТ (Katolikus legényi országos testülette).
Дзекуюци закладаню предсидателя о. Дюри Биндаса, културна дїялносц у Руским Керестуре предлужена у рамикох ужгородскей Орґанизациї грекокатолїцкей младежи, а информативну функцию место „Руских новинох“ превжала на себе ужгородска „Нед’ля“.
Вецей о тей теми пречитаце на фельтонских бокох у найновшим чишлє наших новинох.