РУСКИ КЕРЕСТУР – И того року през жимски розпуст керестурски парохийни Каритас кажди дзень орґанизовал традицийни Дзецински куцик, хтори будзе закончени нєшка, так же заинтересовани дзеци ище нєшка од 19 до 21 годзин можу пойсц на тото друженє.
Коло 50-еро основношколски дзеци, алє и младши, приходза на друженє и бавиц рижни креативни бависка, хтори за нїх пририхтую волонтере Каритасу.
Попри бавискох, дзеци ше намагаю применьовац и правила з „Коцки любови”, на хторей виписани виреченя з Євангелиї – любиц шицких, пребачовац… а свойо пробованя виписую на паперики хтори залїпени на гамеру.
Нєшка, остатнї дзень Куцику, будзе диско за шицких учашнїкох.
