НОВИ САД – Покраїнски секретар за польопривреду, водопривреду и лєсарство Вук Радоєвич вчера уручел ище 114 контракти за набавку опреми за наводньованє и вибудов и опреманє експлоатацийних студньох, а медзи добитнїками и польопривреднїки з Руского Керестура.
Вредносц контрактох коло 127 милиони динари, а з тоту инвестицию обезпечене наводньованє 824-ох гектарох.
Як сообщене з Покраїнскей влади, до програми мирох потримовки польопривредней продукциї жадало ше уключиц и чувствительни дружтвени ґрупи, та 24 контракти подписани зоз женми, власнїцами польопривредних ґаздовствох, а 38 контракти достали младши од 40 роки.
Окрем стимулацийох з буджету, польопривреднїки и сами вельо укладаю до наводньованя и опреми – у 2016. року до системох за наводньованє уложени вецей як 1,116 милиярди динари, дзе 330 милиони обезпечела Покраїна. З уложених средствох ше тераз наводнює вєдно 7 357 гектари.