ЗОМБОР – Вокални ансамбл Хору Педаґоґийного факултету зоз Зомбора од 22. по 27. юний участвовал на „Балкан фолк” фестивалу у Варни, у Болгарскей, преноши портал Наше место. У Вокалним ансамблу шпива и Лидия Кухар з Дюрдьова (на фотоґрафиї друга з права).
Як Наше место преноши информацию и фотоґрафиї зоз сайту Педаґоґийного факултету, Вокални ансамбл творели дзевецеро студенти спомнутого факултету, на чолє з доцентрку др Биляну Єремич, а на фестивалє у Болгарскей наступели з вецей хорскима композициями и народнима шпиванками.
На отвореней сцени у Варни участвовали шпивацки ґрупи з України, Польскей, Словениї, Босней и Герцеґовини, Чарней Гори, Сербиї и Болгарскей.
