НОВИ САД – Як вовторок, 6. септембра виявел покраїнски секеретар за реґионални розвой, медзиреґионалне сотруднїцтво и локалну самоуправу Оґнєн Бєлич, кажда з вєдно 45 локалних самоуправох у Войводини нарок пририхта по 10 проєкти хтори буду финансовани з вонкашнїх жридлох.
Бєлич гварел же єден з приоритетох у роботи його секретарияту и подзвигованє капацитетох локалних самоуправох, односно канцеларийох за локални економски розвой, хтори буду оспособени за систематизоване пририхтованє и витворйованє проєктох по одредзених критериюмох.
– Кед же даєдна општина уж ма пририхтани и вецей як 10 проєкти, ми то прилапиме, алє ту нє думам на проєктни идеї, но на готови предлоги проєктох – поручел покраїнски секретар Оґнєн Бєлич и наявел же за наступни мешац и пол нащиви шицки општини у Войводини и на терену будзе бешедовац о витворйованю спомнутого цилю.