РУСКИ КЕРЕСТУР – На поволанковим Вельконоцним трурниру, хтори ше традицийно отримує у Бачу, млади каратисти керестурского Русину всоботу, 4. априла, освоєли аж 9 медалї.
Карате-клуб Русин представяли осмеро каратисти котри ше змагали у своїх катеґорийох у борбох и катох, поєдинєчно и екипно, и то у досц моцней конкуренциї, понеже участвовали 25 екипи и коло 350 змагателє з цалей Сербиї.
Перши места освоєли Сара Планчак и Мартина Рац у борбох у катеґориї „надїї”, Иван Папуґа у конкуренциї сениорох у своєй чежинскей катеґориї, Ґлориян Штранґар у катох у конкуренциї когуцикох, як и дзивчатска екипа у борбох, у катеґоїри „надїї”, хтору творели Сара Планчак, Марина Надь, Мартина Рац и Анамария Няради.
Други места освоєли Анастазия Фаркаш у боробох, у катеґориї пионирох и Иван Папуґа у сениорскей абсолутней катеґориї, а треци места освоєли Марина Надь у борбох у катеґориї „надїї” и Стефан Шарич у катох, у катеґориї когуцикох.
И на тим змаганю Вероника Юрич з Руского Керестура була єдна зоз судийох змаганьох.