ПАЛИЧ – Вчера, 14. авґуста, на Паличу отримани турнир у одбойки на писку у рамикох Спортских бавискох (СБ) „Яша Баков”. Турнир орґанизовали Дружтво Руснацох у Суботици и Спортске здруженє „Яша Баков”, а участвовали седем екипи – зоз Суботици, Шиду, Руского Керестура, Дюрдьова, Нового Саду, Коцура и Вербасу, хтори були подзелєни до двох ґрупох
После змаганьох по ґрупох, у змаганьох за пласман перше место оєвоєла екипа КПД „Карпати” з Вербасу, друге екипа домашнїх – Дружтва Руснацох у Суботици, а треце место освоєла екипа КПД „Дюра Киш” зоз Шиду.
Штварта була екипа Руского културного центру з Нового Саду, керестурски „Русин” освоєл пияте, док шесте и седме место подзелєли екипи КУД „Тарас Шевченко” з Дюрдьова и КУД „ДОК” з Коцура.
Шлїдуюци турнир у рамикох СБ „Яша Баков” будзе у фодбалє 3 на 3 початком септембра Руским Керестуре.