РУСКИ КЕРЕСТУР – У подприємствох у Руским Керестуре, Оджаку и Вербаше вчера робели 38-еро штредньошколци Штреднєй школи „Петро Кузмяк”, а заробок будзе уплацени на рахунок Униї штредньошколцох.
На таки способ керестурски школяре ше и того року уключели до проєкту „Штредньошколци – штредньошколцом”, хтори витворює Уния штредньошколцох Сербиї.
Зоз заробку штредньошколцох з цалей Сербиї познєйше буду финансовани 10 вибрани проєкти з хторима Школи буду конкуровац, цо будзе друга часц проєкту. За конкурс проєкт пририхтує и керестурска Школа.