ДЮРДЬОВ – Внєдзелю, 28. децембра, у КУД „Тарас Шевченко” у Дюрдьове отримани Музични вечар „Тал”, з нагоди 60 рокох народзеня и 40 рокох активносци у музики нашого познатого композитора, аранжера, музичара и музичного педаґоґа Михала Лїкара, котри народзени и жиє у Дюрдьове.
На програми участвовали тамбурови оркестер дюрдьовского Дружтва, шпивацки ґрупи и Жридлова ґрупа и соло-шпиваче, котри виведли вецей композициї ювиланта.
О Михалови Лїкарови бешедовала музична редакторка Радио Нового Саду Агнета Тимко, котра гварела же Лїкар з нєсебичну и вельку дзеку свой талант и уметнїцку притоку преноши и дава у штредку у котрим жиє, алє и ширше, та вец нє чудне же музична творчосц у дюрдьовским Дружтве така масовна.
Дарунки – малюнок од КУД „Тарас Шевченко”, торту од шпивачкох зоз Жридловей шпивацкей ґрупи и ручну годзинку од анонимного и стаємного спонзора Дружтва, у мено Михала Лїкара на програми превжала його шестри дзивка Наташа Лїкар.
