НОВИ САД – Покраїнски секретарият за културу и явне информованє розписал конкурси за финансованє и софинансованє проєктох за очуванє културного скарбу, розвой сучасней творчосци и потримовку литературней творчосци.
За проєкти и програми з обласци защити у очуваня културного скарбу у АП Войводини у 2016. року наменєни 7 милиони 720 000 динари. У обласци сучасней уметнїцкей творчосци мож конкуровац за обласц визуалней уметносци и мултимедийох (за цо опредзелєни 3 милиони 500 000 динари), потим за филмску уметносц и авдиовизуалну творчосц (7 милиони динари), литературну творчосц (2 милиони динари), музичну творчосц (4 милиони динари) и за сценску творчосц – театрални, оперски, балетски представи и манифестациї (9 милиони динари).
Секретарият розписал и конкурс за софинансованє набавки кнїжкох и других публикацийох за явни општински и городски библиотеки у АП Войводини, за цо опредзелєни милион динари.
З милион 500 000 динари ше будзе софинансовац проєкти и програми з обласци защити и очуваня традицийней творчосци Сербох у Войводини и здруженьох Сербох у Мадярскей, Горватскей и Румуниї у 2016. року.
Конкурси отворени по 4. марец, а вецей информациї мож опатриц на сайту www.kultura.vojvodina.gov.rs