НОВИ САД – Здруженя гражданох з обласци защити животного штредку за софинансованє и финансованє проєктох можу конкуровац на конкурс Покраїнского секретарияту за урбанизам, будовательство и защиту животного штредку, хтори тирва по 11. марец.
Право конкуровац маю нєпрофитни орґанизациї – здруженя гражданох з АП Войводини, а средства достаню проєкти хтори промовую защиту животного штредку и конкретни активносци у тей обласци, програми хтори промовую очуванє и унапредзованє природних вредносцох, як и програми за едукованє и подзвигованє свидомосци у обласци защити животного штредку у Войводини.
Конкуровац мож лєм з єдним проєктом, а висина глєданих средствох муши буц до 60 000 динари.
Детальнєйши информациї о конкурсу, як и потребну докементацию за прияву мож найсц на сайту Покраїнского секретарияту за урбанизам, будовательство и защиту животного штредку – www.ekourb.vojvodina.gov.rs.