НОВИ САД – Покраїнски секретарият за медзинародне сотруднїцтво и локалну самоуправу розписал конкурс за софинансованє проєктох хтори доприноша унапредзованю знаня и розуменя процесу европских интеґрацийох.
Промоция европских вредносцох, значносц европских интеґрацийох, та змоцньованє капацитетох и улоги локалних заєднїцох у процесу приступаня Републики Сербиї ґу Европскей униї, циль того конкурсу, сообщене з Покраїнского секретарияту.
Конкурс тирва по 27. марец, а з проєктами ше можу приявиц здруженя гражданох хтори реґистровани у Сербиї. Покраїна за тоту намену видвої вєдно 3 милиони 500 000 динари, а детальнєйше о конкурсу мож опатриц на сайту www.region.vojvodina.gov.rs