СЕРБИЯ – Литературни конкурс за школярох других класох шреднєй школи з тему „Европа и я“ тирва по 15. април. Школяре котри сцу участвовац на тим наградним змаганю маю написац есей од 1 000 слова о тим цо за нїх представя Европска уния (ЕУ), яки им дава можлївосци, та як вони видза свою будучносц у ЕУ.
Орґанизаторе конкурсу Делеґация ЕУ у Сербиї и Информативни центер ЕУ з Беоґраду, котри за пейц найлєпши роботи обезпечели награди: перша награда будзе таблет-рахункар, а други штири ваучери вредносци 3 000 динари за купованє кнїжкох.
Тексти треба посилац на адресу info@euinfo.rs Побиднїки на конкурсу буду преглашени 9. мая, на Дзень Европи, на Фейсбук-боку www.facebook.com/evropski.dnevnik