ВЕРБАС – У Вербаше Всеночне на Вилїю у обидвох парохийох вовторок служене на 21 годзин – у старовербаскей служел парох о. Алексий Гудак, а у нововербаскей о. Иґор Вовк, дзе на Всеночним було и мированє.
Вчера, на Перши дзень Крачуна, у церкви у Старим Вербаше парох о. Алексий Гудак служби служел на 8 и 10 г., на хторих пречитал и Крачунску винчованку нашого апостолского еґзарха, кир Георгия Джуджара.
Нєшка у тей парохиї Служби тиж на 8 и 10 годзин, з мированьом, пред хторим виронаучни дзеци виведу крачунску програму. На ютре, Служби Божо буду по истим розпорядку.
У нововербаскей парохиї вчера, на Перши дзень Крачуна, Служба Божа була на 9 г., а служел парох старовербаски о. Алексий Гудак, котри и ту вирним пречитал винчованку преосвященого владики Георгия. По Служби виронаучни дзеци виведли крачунску програму, за хтору их порихтала шестра Вероника.
Нєшка и на ютре о. Алексий Гудак у нововербаскей парохиї Служби Божо тиж будзе служиц на 9 годзин.
Крачун у Вербаше преславели и православни вирни, а бадняк на Вилїю ношени по скоро шицких улїцох, дзе го привитовали велї вирни. После того, бадняк палєни у церкви Воведения Пресвятей Богородици у Старим Вербаше, як и опрез храму у центре Вербасу.
