НОВИ САД – У тим тжню на Продуктней берзи ше тарґовало з кукурицу, житом и сою, а предати 525 тони роби, цо два и пол раз вецей як тидзень пред тим. Финансийна вредносц була три раз векша и виношела коло 15 милиони динари, сообщела Продуктна берза.
Цена кукурици того тижня була 19,71 динар, цо за 2,37 одсто вецей як пред тижньом. Зоз житом ше тарґовало по штреднєй цени од 19,25 динари за килограм, а тота цена тераз представя реални и стабилни биланс у понукнуцу и поглєдованю.
После трох тижньох, на Продуктней берзи ше тарґовало и зоз сою. Штредня цена була 46,94 динари, цо за 5,36 одсто вецей од цени при остатнїм тарґованю з тоту културу.