МИКЛОШЕВЦИ – Пред шветом Святого Миколая по григориянским календаре, вчера вечар наймладши Миклошевчанє у грекокатолїцкей церкви Рождества Пресвятей Богородици по Служби Божей привитали того добродїя и защитнїка морякох.
Школяре нїзших класох Подручней школи Миклошевци котри виучую мацерински язик виведли кратшу програму, у хторей одшпивали даскельо коляди, рецитовали по руски и по горватски, та одбавели драмску сличку „На Миколая”. Пририхтала их учителька Леся Мудри.
Домашнї парох о. Яким Симунович подзековал школяром на красним привиту, а потим Святи Миколай, з помоцу трох ангелох, подзелєл 70 пакецики – наймладшим дзецом, та шицким основношколцом. Пакецики обезпечел Церковни одбор.
