СРИМСКА МИТРОВИЦА – Зоз Архиєрейску Службу Божу, хтору предводзел апостолски еґзарх за грекокатолїкох у Сербиї кир Георгий Джуджар, а сослужели ище седемцме паноцове, церква и вирни вчера на швето Вознесеня Господнього преславели храмове швето – Кирбай.
У казанї преосвящени кир Георгий Джуджар здогаднул же будованє церкви у Митровици почало 1905. року так же ше у тим року означує 110-рочнїца єй будованя, та ше з тей нагоди треба здогаднуц шицких Митровчаньох хтори будовали церкву и допомогли єй вибудов, алє и хтори до нєй ходзели на богослуженя. Владика о. Владиславови Варґови и шицким вирним повинчовал щешлїви и благословени Кирбай.
После Служби Божей бул традицийни обход коло церкви з читаньом Євангелийох, а на концу одшпиване „Многолїствиє”.
После богослуженя у церковней влсали виронаучни дзеци, як и руска и українска шпивацка ґрупа, виведли кратшу културно-уметнїцку програму.
