НОВИ САД – Студенти-програмере ше по 17. май можу приявиц за участвованє на першим новосадским „Гакатону“, хтори и перши у Сербиї. Змаганє „Rendered Text Hackaton“ будзе 30. мая, а задаток студентох будзе же би за 24 годзини направели апликацию на задату тему.
Буду ше змагац пейц екипи, хтори после 24-ох годзинох роботи 31. мая буду презентовац свойо апликациї. За побиднїкох обезпечени награди од 200 000 динари, а як гваря з орґанизациї, циль „гакатону“ дац нагоду младим же би тимски, з хаснованьом найновшей софтверскей технолоґиї направели дацо иновативне.
Вецей о змаганю мож опатриц на линку https://renderedtext.com/hackathon/.