ШИД – Музей Наївней уметносци Илиянум у хторим малюнки познатого наївного маляра Илиї Башичевича Босиля, вчера з пригодну шветочносцу означел 50 роки иснованя.
Як гварела директорка Музею Любинка Пантич, пред 50 роками 31. мая, Скупштина општина Шид принєсла одлуку о снованю Музея хтора ше ма старац о чуваню и викладаню Босильовей творчосци.
Була то нагода же би сотруднїки хтори сотрудзовали з Музейом достали подзекованя од републичних, покраїнских и локалних институцийох, добитнїк подзекованя и КПД Дюра Киш, а медзи медийним сотруднїками добитнїк подзекованя и новинар Руского слова зоз Шиду.
Тиж з тей нагоди виведзена уметнїцка програма у хторей наступели Бояна Вуцоня, хтора шпивала, музично ю провадзели Стефан Маркович и Никола Китич.