Наградзени и дзеци з Керестура

автор маф
827 Опатрене

КУЛА – Предшколци Лана Шомодї, Хана Семан и Сара Надь, з ґрупи виховательки Емилиї Костич, та Валентина Фаркаш, Алекса Сопка и Ива Сабо, з ґрупи Ксениї Вучкович з керестурского Оддзелєня „Цицибан” ПУ „Бамби” з Кули, наградзени за найлєпши подобово роботи з тему „Полицай и я – товарише од оводи”.

SAMSUNG CAMERA PICTURES

Награди за найлєпши роботи уручени на вчерайшей шветочносци у Подобовей ґалериї Културного центру у Кули, а достали их по тройо дзеци зоз шицких оддзелєньох ПУ „Бамби”, котри участвовали у реализациї проєкту Полицийней управи Зомбор – „Полицай и я – товарише од оводи”.

SAMSUNG CAMERA PICTURES

Шицки наградзени роботи були виложени у Ґалериї, а їх авторе як награди достали бависка. Дзеци виведли и кратки музични и рецитаторски точки, а на шветочносци присуствовали їх родичи, представителє „Бамбию”, Полициї и Мисиї ОЕБС-у у Сербиї, хтора потримала спомнути проєкт пре унапредзенє безпечносци и защити дзецох и школярох.

SAMSUNG CAMERA PICTURES

ПОВЯЗАНИ ТЕКСТИ