БЕОҐРАД – У ярнєй шатви того року буду пошати коло 1,6 милиони гектари, оценєл секретар Одбору за польопривреду Привредней комори Сербиї (ПКС) Ненад Будимович. Вон винєсол и обчекованє же найвецей будзе пошате кукурици – коло 1,05 милиони гектари, сої и слунечнїку по 200 000 гектари, цукровей цвикли од 55 000 до 60 000, а ярнє жито будзе пошате на 165 000 гектарох.
Будимирович гварел же нїзки температури и вельо дижджу загамовали пририхтованє жеми и початок шатви, алє понеже наявени цеплєйши период, обчекує же тоти роботи пошвидко буду закончени.
У єшеньскей шатви 2015. року под житом пошати 580 292 гектари, цо у шицких реґионох за 0,7 одсто вецей як 2014. року.
У ярнєй шатви 2015. року були вихасновани 737 127 гектари обрабяцих поверхносцох, цо за 0,8 одсто вецей як рок пред тим. Медзитим, звекшани поверхносци у Беоґрадским реґионє, Шумадиї, Заходней Сербиї и реґионє Южней и Восточней Морави, док у Войводини зашати поверхносци було за 1,8 одсто менєй.