НОВИ САД – На Новосадским сайме вчера, 28. септембра, отворени 49. Медзинародни саям „ЛОРИСТ” и сайми туризму и конярства. На перших єшеньских саямаских манифестацийох у Новим Садзе свойо штанди буду мац вецей як тристо викалдаче з Австриї, Босней и Герцеґовини, Болгарскей, Чарней Гори, Горватскей, Мадярскей, Македониї, Републики Сербскей и Сербиї, цо за 30 одсто вецей як влонї.
После вецей рокох на сайме ше зоз своїма продуктами и идеями представяю и ЯП „Сербиялєси” и Ловарски союз Републики Сербскей, а орґанизаторе обчекую и вельке интересованє за премиєрне представянє мадярского Центру за еко-туризем „Ґеменц”, хтори з тей нагоди понука свою програму за ловни туризем.
Як кажди рок, буду отримани числени вистави, пригодни деґустациї ловарских специялитетох, ремеселски роботнї и презентациї проєктох з тих обласцох.
Тогорочни „ЛОРИСТ” шветочно отворел подпредсидатель Покраїнскей влади Дьордє Миличевич.