РУСКИ КЕРЕСТУР/ВЕРБАС – На нєдзелю, 25. януара, на 19 годзин, у просторийох КПД „Карпати” у Вербаше Руски народни театер (РНТ) „Петро Ризнич Дядя” премиєрно виведзе представу з назву „Як забиц предсидателя” Миру Ґаврана, у режиї Владимира Надя Ачима.
Представа витворена у копродукциї з вербаским КПД „Карпати”, а з финансийну потримовку Националного совиту Руснацох.
У представи ґлумя тройо ґлумци з Вербасу и ґлумица з Коцура, а з ню буду означени и два ювилеї Янка Лендєра – 60 роки живота и 40 роки його активносци у театралним живоце.