КУЛА – У Шветочней сали Скупштини општини Кула на пондзелок, 16. фебруара, будзе подписованє контрактох о додзельованю стипендийох од локалней самоуправи найлєпшим студентом з местох кулскей општини.
Контракти студентом уручи предсидатель Општини Кула Драґан Трифунович, а стипендию у тим академским року достанє 81 студент.
Єдно з условийох за доставанє стипендиї було же би штредня оцена студентох була найменєй 9, а з Руского Керестура стипендиї буду доставац петнацецеро студенти.
Висина стипендиї иста як и прешлого року – 6 000 динари мешачно, а подписованє контрактох на пондзелок будзе на 10 годзин.