ШИД – Всботу, 31. януара, у Руским доме у Шидзе отримана рочна Скупштина Културно-просвитного дружтва „Дюра Киш”, на хторей прилапени звит о роботи за прешли рок, як и финансийни звит и звит Надпатраюцого одбору.
За предсидателя Скупштини знова вибрани о. Владимир Еделински Миколка, а Саня Тиркайло вибрана за предсидательку Уметнїцкого совиту Дружтва.
Управни одбор (УО) Дружтва, на основи функцийох творя предсидатель Дружтва Златко Манько, подпредсидатель Дружтва Мирон Джуджар, предсидатель Скупштини Владимир Еделински Миколка, предсидателька Уметнїцкого совиту Саня Тиркайло, та Мирослав Цирба, а за нових членох УО вибрани Юлиян Ковач, Далибор Болдиш, Зоран Вукович, Слободан Кодермац, Ясминка Димитриєвич и Иван Павлович.
За предсидателя Надпатраюцого одбору ознова вибрани Владимир Торма, а за членох Андєлка Михняк и Мирослав Мохнацки.
