ДЮРДЬОВ – На соботу, 11. децембра, на 18 годзин у просторийох КУД „Тарас Шевченко у Дюрдьове будзе промоция новей кнїжки Дюри Латяка „Национални препород Русинох у Бачкей и Сриме и Руске народно просвитне дружтво (1919-1941)”, хтору видал Союз Руснацох Українцох Сербиї початком того мешаца.
О кнїжки на промоциї, после привиту предсидателя Союзу Боґдана Виславского, буду бешедовац историчар др Дюра Гарди, рецензент Велимир Паплацко и автор Дюра Латяк.
Орґанизаторе промоциї Союз Руснацох Українцох Сербиї и КУД „Тарас Шевченко”.
Дюрдьов место дзе будзе орґанизоване перше представянє кнїжки, а познєйше буду промоциї кнїжки и по других местох.