ДИРОНЬ/РУСКИ КЕРЕСТУР – На мини Рукометним турнире у Дироню внєдзелю, 27. новембра участвовали и наймладши рукометаше и рукометашки з Руского Керестура, вєдно з 10 екипами зоз сушедних местох.
Керестурска екипа одбавела штири змаганя, з хторих єдно страцела од екипи з Каравукова, нєришено бавела з екипу з Дироню, а у двох змаганьох победзели – екипи з Крущичу и Бачу.
Рукометашох з Керестура водзел тренер Славко Надь, а помагала му рукометашка Александра Штранґар.
Тренер Славко Надь исти дзень участвовал и у зазберованю и тестованю бавячкох у системи Лиґи младших катеґорийох (12 роки) Рукометного союзу Войводини.
З цалей Войводини вибрани 42 найлєпши бавячки, а Надь водзел єдну з трох екипох хтори ше змагали медзи собу. Циль того тестованя же би ше провадзело найперспективнєйши млади бавячки.