РУСКИ КЕРЕСТУР – У Велькей сали Дому култури Руски Керестур на ютре, 10. мая, будзе отримана 55. Општинска смотра музично-фолклорней творчосци за старших. Смотра почина на 17 годзин.
На Општинскей смотри наступя соло-шпиваче, инструменталисти, шпивацки ґрупи и танєчни ансамбли з дзевец КУД и двох домох култури у кулскей општини, хтори пестую традицию и обичаї своїх народох.
Дом култури Руски Керестур на Смотри участвує з Дзивоцку, Женску жридлову и Хлопску шпивацку ґрупу, Тамбуровим оркестром и танєчним ансамблом ветеранох, а Руске КУД „Др Гавриїл Костельник” з Кули зоз Женску и зоз Хлопску шпивацку ґрупу.
Селектор Смотри хореоґраф Любомир Вуйчин з Вербасу, орґанизатор Културно-просвитна заєднїца Општини Кула, а домашнї Дом култури Руски Керестур.