ДЮРДЬОВ – Фестивал жридлового шпиваня „Най ше нє забудзе” будзе отримани на ютре, 21. авґуста, у Велькей сали КУД „Тарас Шевченко” у Дюрдьове.
Пред урядову часцу програми, хтора почнє на 20 годзин, у дворе опрез будинку КУД „Тарас Шевченко” на 16 годзин будзе отворена вистава „Стари ремесла”, а на 17 годзин у Рускей школи вистава „Дакеди було”.
На Фестивалу буду участвовац шпивацки ґрупи з тринац наших местох зоз Сербиї и Горватскей – зоз Суботици, Нового Орахова, Шиду, Кули, Вербасу, Коцура, Нового Саду, Руского Керестура, Бикичу, Дюрдьова, та з Винковцох, Петровцох и Миклошевцох. У ревиялей часци наступи Ансамбл „Ластовичка” з Польскей и Шпивацка ґрупа „Дюрдєвак” з Дюрдьова.