На ютре Фестивал хорского шпиваня у Вербаше

автор апм
878 Опатрене

ВЕРБАС – Традицийна манифестация „Фестивал хорского шпиваня” пияти раз будзе отримана на ютре, 23. мая у просторийох КПД „Карпати” у Вербаше. Програма почнє на 19 годзин.

На Фестивалє наступя штири нашо хори – Хор „Розанов” зоз Дюрдьова, „Гармония” зоз Нового Саду, Хор Дома култури зоз Руского Керестура, и домашнї Хор КПД „Карпати” з Вербасу.

Госци Фестивала буду Камерни хор „Аґапе” и Камерни хор „Класика нова”, обидва з Нового Саду, и Хор „Бачки певачи” з Вербасу.

Манифестацию потримали Национални совит рускей националней меншини, Општина Вербас, Министерство култури и информованя Републики Сербиї и Покраїнски секретарият за образованє и културу.

ПОВЯЗАНИ ТЕКСТИ