НОВИ САД – Того року Город Нови Сад вельку увагу пошвецел безпечносци дзецох, окреме у школох, а єдна з перших наявених мирох будзе уводзенє идентификацийних карточкох за шицких школярох. На тот способ будзе контроловане хто уходзи до школских дворох и годно зопрец каждого хто може загрожиц безпечносц дзецох.
До штреднєй школи „Милева Марич Айнштайн“ буду уведзени удзверя хтори детектую метал, а роздумує ше о уводзеню такей системи и до других „проблематичних” школох.
Видео-надпатранє у будинку и вонка з нього, тиж будзе обезпечене за шицки школи у Новим Садзе.
– Єдно зоз значних питаньох то и явне ошвиценє у школских дворох, понеже оценєне же лєм даскельо школи маю одвитуюце ошвиценє, та Завод за вибудов Городу муши баржей робиц у тей облаци – гварел городоначалнїк Нового Саду Милош Вучевич на конференциї за новинарох з тей нагоди и додал же векшу учасц у безпечносци дзецох будзе мац и полиция.