БЕОҐРАД – Пондзелок, 23. марца конституоване нове зволанє Националного совиту за високе образованє – институциї задлуженей за обезпечованє розвою и унапредзенє квалитету високого образованя, а за предсидателя єдногласно вибрани проф. др Деян Попович
На конститутивней схадзки присуствовал и министер просвити, науки и технолоґийного розвою Срдян Вербич, котри гварел же од нового зволаня обчекує же звекша можлївосци за технолоґийни иновациї у дружтве, а приоритет же би ше Совит вияшнєл о чишлє студентох по студийских програмох хтори буду на буджету и ушорел статус Комисиї за акредитованє.
Вербич бешедовал о планох у обласци образованя, як цо то приношенє закона о студентским орґанизованю, нового Закона о високому образованю, хтори предвидзи нови способ финансованя високого образованя. Ґу тому, наявел и же ше будзе робиц на длуго наявйованим законє о рамикох квалификацийох.