НОВИ САД – Возни парк Явного городского транспортного подприємства (ЯГТП) „Нови Сад“ обновени з пейцома новима „Икарбус“ соло-автобусами. Автобуси маю трої дзвери, климу, тапацировани шедовиска, електронски дисплеї и платформи хтори олєгчую уход особом з инвалидитетом.
Нови автобуси и возни парк були опатриц городоначалнїк Нового Саду Милош Вучевич, ґенерални директор „Икарбусу“ Александар Вичентич, о.д. ЯГТП Милан Станивукович и о.д. началнїка Городскей управи за транспорт и драги Виктория Паунович. З тей нагоди бешедоване и о значносци потримовки домашнєй продукциї автобусох, пре злєпшанє стану у привреди.
Городоначалнїк гварел же му мило же ше помали обнавя городски возни парк и наявел нови инвестициї.
– За тоту намену зме з бужету видвоєли 90 милиони динари. На уровню Городу зме одлучели же лєпше робиц на обнови, як фаворизовац систему Бус-плус. Тирва явна набавка за шейсц „нїзкожемни” автобуси на дизел гориво, хтори буду мац механїчну рампу – гварел з тей нагоди Вучевич.