КЛЯЇЧЕВО – У 14. колу Войводянскей рукометней лиґи Сивер, рукометаше Русина всоботу, 29. мая, поражени од Кляїчева з резултатом 30:24 (16:14).
Перши полчас бавяче Русина добре започали бависко, та резултат бул и 2, 3 ґоли на їх хасен. Од резултату 12:9 за Русин, госци даваю аж 7 ґоли, док Русиновци лєм два, цо найвироятнєйше и було пресудне на цалим змаганю.
Други полчас бул вельо мирнєйши, дзе домашнї отримовали предносц, док ше рукометашом Русина нє удало зменшац розлику, бо бавели у нєкомплетним составе.
На концу першенства рукометаше нєурядово на 3. месце на таблїчки, зоз 6 побидами, єдним нєришеним змаганьом и пейцома пораженями.
Русин наступел у составе – Рац (2), Гербут (4), Югик (2), Салак (3), Орос (7), Микита (3), Тома (3).