РУСКИ КЕРЕСТУР – У керестурскей парохиї св. оца Миколая нєшка на 19 годзин у Каритасу будзе отримана Виронаука за старших, хтору пририхтує парох керестурски о. Михайло Малацко.
Виронаука перши раз отримана прешлей стреди, а як гварел о. Малацко, плановане же би, кед будзе заинтересованих, постала стаємна, лєбо голєм як форма пририхтованя за векши швета. Виронаука наменєна особом од 30 до 50 роки.
Тема на першим виронаучним стретнуцу була „Я и Бог през историю”, як увод до нєшкайшей теми пошвеценей Року милосердия, хтори як Ювилейни рок у Католїцкей церкви папа Франциско шветочно преглаши 8. децембра.