ШАБАЦ – У Шабцу нєшка будзе отримана конференция з назву „Стимулoванє родней ровноправносци у рамикох националниох совитох националних меншинох”, а у орґанизациї Академиї женского лидерства, з потримовку Мисиї ОЕБС-у у Сербиї.
На конференциї, хтора у Готелу „Шлєбода” почина на 10 г., буду бешедовац представителє Мисиї ОЕБС-у у Сербиї, спомнутей Академиї, Одбору за людски и меншински права Скупштини Републики Сербиї, представительки националних совитох, буду представени и резултати проєкту з истим меном як и конференция, та предлоги за запровадзованє механїзмох за родну ровноправносц у националних совитох.
Спред Националного совиту (НС) Руснацох на конференциї буду присуствовац членїца його Вивершного одбору (ВО) Наташа Макаї Мудрох, як и предсидатель ВО Желько Ковач.