РУСКИ КЕРЕСТУР – У керестурскей парохиї св. Оца Миколая, хтора ше притрумиє григориянского календару, нєшка почина шейсцтижньови Крачунски пост.
Крачунски пост период окремного духовного пририхтованя за швето Рождества Христового – Крачун. Перши дзень посту строги пост у єдзеню, стредами и пиятками пост по било, а то и час кед нєт явни вешеля.
Керестурска парохия нєшка домашня и порядней єшеньскей духовней обнови священїкох Апостолского еґзархату за грекокатолїкох у Сербиї.
Як медитативну тему священїки буду розпатрац наявени Ювилейни рок милосердия, а на стретнуцу будзе присуствовац и апостолски еґзарх, владика Георгий Джуджар.