Нєшка схадзка Совиту за национални меншини Републики Сербиї

автор зам
945 Опатрене

БЕОҐРАД – Предсидатель Влади Републики Сербиї Александар Вучич нєшка, 7. юлия, отвори другу схадзку Совиту за национални меншини, хторому є на чолє –  сообщене вчера з Кабинету подпредсидательки Влади и заменїци предсидателя Совиту Кори Удовички.

Попри представительох националних совитох националних меншинох у Сербиї, наявене же на нєшкайшей схадзки буду присуствовац и спомнута Кори Удовички, министер просвити, науки и технолоґийного розвою Срдян Вербич, державни секретар у Министерстве култури и информованя Саша Маркович, ґенерални секретар Министерства вонкашнїх дїлох Велько Одалович, о.д. директора Канцелариї за людски и меншински права Сузана Паунович, о.д. директора Управи за сотруднїцтво з церквами и вирскима заєднїцами Миле Радоєвич и помоцнїк министра у Министерстве правди Чедомир Бацкович.

Совит за национални меншини конституовани 29. априла того року, нєшкайша схадзка будзе отримана у просторийох Влади Сербиї на 11 годзин, а спред Националного совиту Руснацох на схадзки будзе присуствовац предсидатель Вивершного одбору Совиту Желько Ковач.

 

ПОВЯЗАНИ ТЕКСТИ