РУСКИ КЕРЕСТУР – У керестурскей парохиї св. оца Миколая по григориянским календаре нєшка припада швето велїкомученїка Димитрия – Митра.
Церква ше на тот дзень здогадує солунского войводу Димитрия котри народзени у Сирмиюму (нєшка Сримскей Митровици), а жил у 4. вику у чаше римского цара Максимилияна.
Як римски войвода, алє и християн, Димитрий свидомо мученїцки дал живот за нову виру, кед ше спроцивел царовому розказу прешлїдовац и забивац християнох.
Швето Митра у керестурскей парохиї будзе означене на Службох Божих у катедралней церкви на 8 и 18 годзин, а велька Служба будзе лєм у Водици на 10 годзин. Прето же швето спадло всоботу, вечарша Служба у Водици нє будзе, алє будзе у церкви, а по Служби будзе и Всеночне, бо на нєдзелю швето Христа Царя.
Особом котрим мено Димитрий-Митро нєшка имени дзень.