Обнова и реґистрация польопривредних ґаздовствох

автор ядю
969 Опатрене

СЕРБИЯ – Реґистровани польопривредни ґаздовства и того року муша обновиц реґистрацию и то од 1. марца до 30. априла 2016. року, же би могли витвориц право на рижни файти помоци з аґрарного буджету.

Реґистрацию мож покончиц у Управи за трезор Министерства финансийох. Польопривреднїки треба же би доручели пополнєни формулари зоз податками о хвильковим стану польопривредних културох, планованим шацу лєбо садзеню, як и о шицких пременкох хтори настали у ґаздовству – о членох польопривредного ґаздовства, файти и числу статку, як и податки о походзеню жеми лєбо основи хаснованя польопривредней жеми. Без огляду чи пришло до пременкох, реґистрацию ше муши обновиц.

Упис польопривредних ґаздовствох засновани на добродзечней основи, безплатни є и треба надпомнуц же лєм реґистровани ґаздовства можу хасновац средства наменєни за премиї, субвенциї и кредитованє хтори ше виплацує зоз буджета Републики Сербиї, як и други услуги державних совитодавних службох хтори буду у наиходзацим периодзе реформовани.

ПОВЯЗАНИ ТЕКСТИ