РУСКИ КЕРЕСТУР – На Ют’юб каналу Дома култури Руски Керестур (ДКРК) обявена и пията рисована анимация, тераз дзецинскей шпиванки „Муки любовни”, у рамикох проєкту ДКРК – 52.„Червене пупче” 2020.
Слово о шпиванки за хтору музику написал Юлиян Рамач Чамо, текст Михайло Зазуляк, аранжман Мирослав Пап, а на „Червеним пупчу” 2003. року ю одшпивали Борис Барна и Дориан Чизмар, у провадзенюДзецинскей ґрупи Музичней школи и Дома култури у Руским Керестуре.
Дизайнер анимациї Златко Русковски Чоби, фахови консултант мастер педаґоґ Марина Дудаш, а координаторки проєкту Ивана Дудаш, Мая Зазуляк Гарди и Таня Арва Планчак.
То пията, остатня шпиванка хтора поробена у тим проєкту, а пред тим обявени рисовани анимациї за дзецински шпиванки „Гусаре”, „Перши шнїг”, „У бабовим заднїм дворе” и „Нєшор”, хтори ше находза на Ют’юб каналу ДКРК.